МАХН-ЫН VII ИХ ХУРАЛ БА ТӨРИЙН ЭРГЭЛТ

МАХН-ын VII их хурал 1928 оны 10 дугаар сарын 23-нд эхэлж 12 дугаар сарын 11 хүртэл бараг 50 хоног үргэлжилсэн нь Монгол орны улс төрийн түүхэнд ховор үйл явдал болсон. Их хуралд 15 мянга гаруй гишүүдийг эгнээндээ багтаасан намын 600 шахам үүр, хорооноос сонгогдсон 192 төлөөлөгч оролцсон.

МАХН-ын VII их хурал дээр зүүнтнүүд ялалт байгуулж засгийн эрхэнд гарчээ. Тэд Ц.Дамбадорж, Н.Жадамба, Ж.Цэвээн нарыг хувьсгалын хэргийг баруун тийш хэлбийлгэж ЗХУ, Коминтерноос салан холдож Хятад, Японыг түшиглэхийг оролдсон хэмээн буруутгажээ. Тус их хурлын үр дүнд хожим БНМАУ-ын улс төрийн бие даасан байдал алдагдаж, коминтерноос хараат болж нам, төрийн зүтгэлтнүүдийг “үндэсний үзэлтэн, хөрөнгөтний гар хөл” хэмээн цоллож, улс төрийн талаар хавчин гадуурхах, хуучны тайж, язгууртнууд болон чинээлэг ардуудыг “феодал” хэмээн үзэж, хөрөнгө малыг нь албадан хураасан, мал аж ахуйг хүчээр нийгэмчлэх, хамтрал коммун байгуулах бодлого эрчимтэй өрнөсөн зэрэг олон сөрөг үр дагаврыг бий болгосон гэж үздэг.

Богдхан уулын аймгаас сонгогдон оролцсон төлөөлөгчид
Ханхэнтий уулын аймгаас сонгогдон оролцсон төлөөлөгчид
Хантайшир уулын аймгаас сонгогдон оролцсон төлөөлөгчидМАХН-ын VII их хурлын төлөөлөгчид