“Эрэгтэй хүнтэй уулзаж учирдагийг чинь эхнэрт чинь хэлнэ” хэмээн сүрдүүлж 30 САЯ төгрөгийг цүнхэнд хийн локерт тавихыг шаардсан ТББ-ын ажилтан хэн бэ?

“Эрэгтэй хүнтэй уулзаж учирдагийг чинь эхнэрт чинь хэлнэ” хэмээн сүрдүүлж 30 САЯ төгрөгийг цүнхэнд хийн локерт тавихыг шаардсан ТББ-ын ажилтан хэн бэ…

Америк, Vолонгосын адалт явдалт кино үзсэн монголчууд улам бүр элийтэж эхэлжээ. Гадаадын кинон дээр л айлган сүрдүүлж мөнгийг худалдааны төв эсвэл галт тэрэгний буудал, нисэх буудлын локерт байршуулахыг шаарддаг хэсэг гардаг. Тэгвэл үүнийг яг хуулсан үйлдлийг “Г…нэйбойрс” ТББ-ын гэр бүл нийгмийн ажилтан Э.Б үйлджээ. Тэрээр 2026 оны 3-р сарын 28-ны өдрөөс 2026 оны 4-р сарын 22-ны өдрийн хооронд Баянгол дүүргийн 13-р хорооны нутаг дэвсгэрт байсан М.Ш-тай фейсбүүк чатаар холбогдож “30,000,000 төгрөг өгөхгүй бол зураг, бичлэг, чат” зэргийг эхнэр болон найзуудад чинь үзүүлнэ, олон нийтийн сүлжээнд тараана” гэж 30,000,000 төгрөг бэлнээр цүнхэнд хийж нэр бүхий худалдаа, үйлчилгээний төвийн локерт байршуулахыг шаардаж эрх, хууль ёсны ашиг сонирхолд нь хохирол учруулж болохуйц баримт, мэдээллийг тараахаар сүрдүүлсэн гэмт хэрэг үйлджээ. Хохирогч М.Ш нь “2026 оны 3-р сарын 28-ны орой үл таних S C фейсбүүк хаягаас чат бичиж эхэлсэн. Тэрээр “чиний эрэгтэй хүнтэй уулздаг унтдаг гэх зүйлийг  эхнэрт чинь хэлнэ, олон нийтийн сүлжээнд тавьж найз нөхөд чинь харуулна” гэх утгатай зүйл ярьж 30,000,000 төгрөг нэхсэн. Тэгээд би цагдаагийн байгууллагад хандсан…” гэжээ.  Шүүгдэгч гэм буруугаа бүрэн хүлээж хэргээ хялбаршуулсан журмаар шийдвэрлүүлэх хүсэлт гаргажээ. Хохирогч ч “цаашид өс санах зүйл байхгүй, өөр хүнээр сүрдүүлэхгүй бол гомдол саналгүй” гэжээ. Шүүх нийгмийн ажилтанг 450 мянган төгрөгөөр торгожээ.