МУГЖ Лосолын Болдбаатарын олон жил бодож “Монголоо дуулна” тоглолтоо 09 сарын 19-нд Төв цэнгэлдэхэд хийхээр товоо гарган зарласан. Гэтэл гай газраас, гахай модон дотроос гэдэг болж, “Ганнам стиль” PSY нэг өдөр тоглох болсон нь тодорхой боллоо.
Монголоо гэх үү, Ганнамыг гэх үү гэмээр асуулт гарч байна. Үндэсний үйлдвэрлэлээ дэмждэг бол энэ удаа Лосолын Болдбаатараа сонгон үзсэн нь дээр буй за.
Олон жил дуулсан Гавьяат Болдбаатар ч ухаанаа уралдуулж, маркетинг менежмэнтдээ толгойгоо гашилгаж байна. Ямартаа ч 2000 оны эхээр хос нийтийн дуучдын тод төлөөлөл Бат-Эрдэнэ, Оюумаа хоёр тоглолтод нь оролцохоор болжээ. Хос дуучин Ээнээ, Оюумаа хоёр хамтрагчийн хажуугаар хайр сэтгэлийн холбоотой болж, долоон жил хамт амьдарсан ч эцэст нь салсан. Түүнээс хойш хамт дуулах байтугай нэг тайзан дээр багтаж гараагүй хоёр. Харин Лосолын Болдбаатар л эвлэрүүлсэн бололтой.
Л.Болдбаатар “МУГЖ Ч.Бат-Эрдэнэ болон МУСТА Э.Оюумаа нар маань “МОНГОЛОО ДУУЛНА” тоглолтын тайзнаа зочин уран бүтээлчээр хүрэлцэн ирнэ. 
Монгол дуугаа хамтдаа дуулж, сэтгэл дүүрэн нэгэн үдшийг хамтдаа өнгөрүүлцгээе.
2026.09.19″ гэж тунхаглав.
Discussion about this post