Хулан, Баяр хоёр

1996-2000 онд парламентад МАН-ын нөлөө бүхий гишүүн С.Баяр, АН-аас нэр дэвшин сонгогдсон Хашбатын Хулан хоёр төрийн ордонд, чуулганы танхимд хайр дурлалын романсаа эхлүүлэн бөөн дуулиан болж байлаа. Х.Хулан, С.Баяр хоёр УИХ-ын гишүүдийн шинэ жил дээр хөтлөлцөн орж ирсэн, үнсэлдсэн гэсэн тухай мэдээллүүд бичигдсэн. Тэр үеп Хашбатын Хуланг намынхан нь “хөнжлийн тагнуул” гэж хүртэл нэрлэж байв. Гэсэн ч хайр сэтгэлээр холбогдсон хосууд юунаас ч шантралгүй харилцаагаа үргэлжлүүлсээр Дарья нэртэй хөөрхөн охинтой болсон. Хашбатын Хулангийн хувьд анхны гэрлэлт, анхны охин бол, С.Баярын хувьд удаах гэрлэлт, 4 дэх охин нь. Улстөрч С.Баярын гэр бүлийг тойрсон хэл ам тасрахгүй, улаан машинтай хүүхэн, Зууны манлай дуучин Б.Сарантуяатай холбоотой гэсэн мэдээ тарж байв. 2000 оны сонгуульд хуучин нэрээр МАХН 72 суудалтай болоход Ерөнхийлөгчийн тамгын газрын дарга байсан С.Баяр ОХУ-д суух элчин сайдаар томилогдон явсан. Харин 2004 онд буцаж ирэхдээ Хулан, Баяр хоёрын гэр бүлийн харилцаанд ан цав сууж хоёр тийшээ болох нь тодорхой, ганц ганцаараа буцан ирсэн билээ.  С.Баярын хэлснээр “хэзээнээс нохой шуугиулж” ирсэн мань хүнийг орос хүүхнүүдтэй их холбогдсон болохоор эрх, ааштай Хулан тэвчээгүй гэсэн үгээр монголчууд угтсан. Тэд салж, 2004 онд Х.Хулан “Эрэл”-ийн Эрдэнэбатын намаас БЗД-т нэр дэвшсэн ч МАН-ын Гандид хэдхэн хүний саналаар ялагдаж, улс төрийг түр орхисон юм. Х.Хуланг хэзээ нэгэн цагт улс төрд эргэж ирнэ гэж хүмүүс хүлээдэг. Харин С.Баярын карьер 2007 оноос эрс өсөж МАН-ын дарга, Ерөнхий сайд болсон ч 2010 онд өөрийнхөө саналаар шахуу албан тушаалаа өгсөн. Нэгэн цагт нэг гэрт багтаж, нэг тогоонд хошуу холбож явсан хоёр алдартай хосын ховор зураг.  WWW.TAIZ.MN