Францын Ерөнхийлөгч Эммануэль Макрон Давосын тайзнаа авиатор загварын цэнхэр тольтой шилээр гоён гарч ирсэн нь загварын ертөнцөөс дутахгүй шуугиан болгов. Бүр Италийн iVision Tech SpA компанийн Гүйцэтгэх захирал Стефано Фульчир нүдэндээ итгээгүй гэдгээ илэрхийлжээ.
Эммануэль Макрон шил зүүж гарч ирсэн даруй тус компанийн эзэмшдэг Henry Jullien брэндийн 659 еврогийн үнэтэй “Doublé”, “Laminé” загварын шилнүүдийн захиалга эрс ихсэж, гэнэтийн их үер шиг юм болжээ.
Цахим орчинд Э.Макроны зүүсэн шил нь түүний хэлсэн үгс, АНУ-ын худалдааны бодлогыг шүүмжилснээс нь дутахгүй олны анхаарал татаж байна.
Францын Ерөнхийлөгч Эммануэль Макрон энэ шилийг зүүсэн шалтгаанаа гоо сайхны хувьд базаахгүй асуудал үүссэн тул шил зүүлээ тайлбарласан.
Шилний эрэлт өсөхтэй зэрэгцэн хөрөнгө оруулагчид Италид төвтэй тус жижигхэн компанийн хувьцааг худалдаж авахаар улайран өрсөлджээ. Улмаар iVision Tech-ийн хувьцааны ханш 70 гаруй хувиар өсөж, зах зээлийн үнэлгээ нь 19 сая евро хүрсэн байна. Бүр ханшийн хөдөлгөөн нь хязгаарт тулсан учир арилжааг нь зогсоох шаардлагатай болсон аж.
Discussion about this post