Брүүклин Бекхэм гэр бүлийнхнийгээ бүгдийг блоколжээ

Дэвид Бекхэмийн гэр бүл хэзээд олны анхааралд өртдөг. Тэр тусмаа энэ Зул сарын баяраар Бекхэмийн гэр бүлийг илүү анзаарч, анхаарлаа хандуулсан байна.

 Цуутай хосын том хүү Брүүклин, тэрбумтны охин Никола Пельцтэй гэрлэснээсээ хойш аав, ээжтэйгээ тун таарамж муутай больж, сүүлдээ бүр харилцахаа больсон гэнэ.

Дэвид Бекхэм болон хатагтай Викториа Бекхэм ууган хүү Брүүклинг цахимд дагахаа больсныг хэрэгт дуртай олон анзаарч, хэвлэлээр мэдээлсэн. Гэхдээ аав ээж нь хүү бэрээсээ залхаад “блоколжээ” гэж бичсэн билээ.

Бекхэмийн хамгийн загварлаг хүү Круз эцэг эхээ өмөөрч “Миний аав ээж хэзээ ч хүүгээ блоклож, дагахаа болихгүй. Үнэнээ л ний нуугүй хэлье. Тэд өглөө яг л над шиг блоклуулчихсан сэрсэн” гэж өгүүлсэн байна.

 Аав ээж хоёр нь хүүгээсээ төвөгшөөж блоколсон биш, харин Брүклин өөрөө аав ээжийгээ, тэр байтугай 14 настай отгон охин дүү Севен Харперийгаа хүртэл блоколжээ.

Яагаад Брүклин аав, ээжтэйгээ зөрчилдөх болсон тухайд хадам ээж Викториа Бекхэм, бэр Никола Пельц нар хуримын даашинз сонгохдоо санал зөрсөн гэдэг. Загвар зохион бүтээгч дизайнер Виктория Бекхэм өөрийнхөө нэрийн брэндийн даашинзыг санал болгосон ч бэр нь өмсөөгүй. Харин Valentino брэндийн даашинз өмссөн.

Брүклин аав ээж хоёрыгоо Никола Пельцээс уучлалт гуйх ёстой гэж үздэг бололтой. Гэвч Бекхэмийн гэр бүлийнхэн уучлалт гуйх бодолгүй байдаг аж.

Бекхэмийн гэр бүлийнхэн хүү бэртэйгээ харилцаа нь төвөгтэй байдалд орсон ч Брүүклинд хэрэгтэй цагт нь туслахад аав ээж хоёр үргэлж бэлэн байдаг гэнэ.

Никола Пельц бол АНУ-ын тэрбумтан Нельсон Пельцийн охин юм. Тэрбумтны охин ч эрх танхи, хатагтай Виктория ч түүнээс дутахгүй эрхэмсэг хүн дээ.