Эрдэнэт Үйлдвэр”-ийн 49 хувийг худалдаж авсан Худалдаа Хөгжлийн Банк санхүүжилтийнхээ 72.4 хувийг төрөөс гаргуулсан гэх асуудалд холбогдож, мөн “Цемент Шохой” ХК-тай холбоотой хэрэгт нэмж шалгагдаж 2019, 2022 онуудад түр саатуулагдаж байсан Д.Эрдээбилэг сураг тасрав.
“Эзэн”, “сахал” хочтой Д.Эрдэнэбилэг 2023 оны хоёрдугаар сарын 9-нд Сингапур руу эмчилгээ хийлгэнэ гэж яваад эргэж ирээгүй аж.
Д.Эрдэнэбилэг гэсэн эзэн холбогдогчтой хэргүүдийн улмаас учирсан байж болзошгүй хохирлын дүн 7 их наядаар хэмжигдэж байгаа гэх мэдээллийг Засгийн газрын итгэмжлэгдсэн төлөөлөгчид өгсөн билээ. Тухайлбал, “Эрдэнэт Үйлдвэр”-ийн 49 хувьтай холбоотой хэргийн хохирол 4 их наяд төгрөг, Дарханы төмөрлөгийн үйлдвэрийнх 2.8 их наяд төгрөг, “Цемент Шохой” ХК-ийнх 300 тэрбум төгрөгийн хохирол учирсан тухай асуудал шалгагдаж буй гэж зарлаж байлаа.
Гэтэл Д.Эрдэнэбилэгээс 3 тэрбум төгрөгийн барьцаа аваад, хилийн хоригийг нь цуцлах шийдвэр шүүх гаргажээ.
Д.Эрдэнэбилэгийн өмгөөлөгчид үйлчлүүлэгч нь эмчлүүлэх шаардлагатай тул хилийн хоригийг нь цуцалж өгнө үү гэсэн хүсэлтийг шүүхэд гаргасан бөгөөд шүүх хүсэлтийг шийдвэрлэхдээ Засгийн газрын итгэмжлэгдсэн төлөөлөгч нарт огт мэдэгдэлгүйгээр, гурван тэрбум төгрөгийн барьцаа авч, Сингапур руу 14 хоног явах бололцоо олгосон. Гэвч тэрбээр хугацаандаа буцаж ирээгүй байгаа гэнэ. Барьцаанд тавьсан 3 тэрбум төгрөгийг улсын орлого болгосон гэнэ.
()
Discussion about this post