Дуучин Т.Баясгалан ард түмнээс Нийтийн дууны гүнж нэр цол авч, “цахилж яваа гөрөөс” шиг хурдтай уран бүтээлээ туурвиж, чанар чансаатай хит дуу төрүүлж байв. Дуулсан дуу бүр нь хит болдог. 2002 онд СУИС-ийг төгссөнөөс хойш 5-6 жил эрчтэй дуулж, тэр үед гаргасан дуунууд одоо ч дуулагдсаар. МУГЖ Т.Баясгалан эмэгтэй дуучдад нэг босго тогтоосон билээ. Харин 2007-2008 оноос тайзнаа битгий хэл олны нүдэнд ховорхон гарах болсон. Энэ нь ч учиртай байж, сумо бөхөөс зодог тайлж ирсэн Кёкүшюзантай хамт амьдарч эхэлсэн байсан билээ. Тэр үед Кёкүшюзан УИХ-ын гишүүн болж, Т.Баясгалан улам нам гүм болсон.
Харин 2009 онд 28 насандаа МУГЖ цол хүртэж, хамгийн бага залуу насандаа Гавьяат болсон дуучин эмэгтэйн түрүүнд жагсах болсон. Энэ нь Т.Баясгаланг төр ч, иргэд ч мартаагүйн том жишээ болсон билээ.
Өнгөрсөн жилээс нэг гэрийн хоёр гавьяат болох Баясгалан, Кёкүшюзан Батбаяр хоёр салж буй тухай яриа гарах болсон. Тайзнаас ч, хэвлэлээс, олноос ч хөндийрсөн МУГЖ Т.Баясгалан хувийнхаа амьдралын талаар ам нээгээгүй.
Харин хариултыг саяхан Кёкүшюзан өгчих шиг боллоо. Өчигдрөөс цахимаар Сумогийн алтан хараацайг далай тэнгисийн усанд саравчтай, малгай нүдний шилтэй бүсгүйтэй хат сэлж, үнсэлцэж байгаа бичлэг зураг тарлаа. Энэ нь Мартын 8-ны үед ил болсон болохоор нэг үе эхнэр гэргий нь гэгдэж, 10 гаруй жил хамт амьдарч, гал тогоог нь барьж суусан 2 хүүхдийнх нь ээжид эвгүй, хүнд цохилт болоо биз. Эмэгтэй хүний хувьд эмэгтэйчүүдийн эрхийн өдрөөр ийм “сюрприз” ирэх ч хүсэх зүйл биш ээ. 
()
Discussion about this post