Азийн хамгийн алдартай хосуудын нэг “Нарны үр сад” (Descendants of the Sun) киноны жүжигчид болох Song Joong Ki (Сун Жүн ги), Song Hye Kyo (Сун Хег Гю) нар 2017 оны аравдугаар сарын 31-нд гэрлэсэн. Гэтэл ердөө жил гаруйн дараа буюу 2019 оны зургадугаар сарын 26-ны өдөр жүжигчин Сун Жүн ги эхнэрээсээ салах гэж буйгаа албан ёсоор мэдэгдэж, Сөүл хотын гэр бүлийн шүүхэд өргөдлөө өгсөн юм. Тэрбээр “Биднийг хайрлаж хүндэлдэг шүтэн бишрэгч нартаа ийм харамсалтай мэдээ дуулгаж байгаадаа уучлалт хүсэж байна. Би Сун Хе Гю-гоос салах өргөдлөө өгсөн. Бие биенээ буруутгаж, хэн нэгэндээ бурууг тохож амьдарч байснаас гэр бүл салалт нь илүү дээр сонголт болно гэж найдаж байна. Хувийн амьдралынхаа нарийн зүйлсийг ил болгоход мэдээж хүнд байна. Та бүхнийг ч ойлгоосой гэж хүсэж байна. Энэ бүхний эцэст жүжигчнийхээ хувиар илүү хичээж ажиллах болно” гэж өмгөөлөгчөөрөө дамжуулан мэдэгдсэн билээ. Ингээд хосууд чимээгүйхэн хоёр тийшээ болсон. Солонгосын хөөрхөн хүүхэн Сун Хэ Гю хятад тэрбумтан ивээн тэтгэгчтэй, түүнээсээ харилцаагаа таслахгүй байсан учраас нөхөр нь салах өргөдлөө өгсөн гэж бичиж байлаа. Сун Хэ Гю нөхрөөсөө таван насаар эгч. Одоо 40 насны дөрөө шүргэж яваа Сун Хэ Гю Солонгосын “W Korea” сэтгүүлийг чимэн зургаа авахуулжээ.
Discussion about this post