Топ Болормаагийн найз залуу Баярсайхан сураг алдарлаа

Монгол эрэгтэйчүүд загвар өмсөгчид цөөнгүй ч эмэгтэй загвар өмсөгчдөө гүйцэхээр чадвартай нь цөөхөн. Топ Болормаагийн хэдэн шавь нар тэр тусмаа “Индиго” гэгддэн Энхболд, Галбадрах гэхчлэн гарын таван хуруунд багтахаар гайгүй эрэгтэй загвар өмсөгчид бий. Тэд бүгд Топ модель Д.Болормаагийн шавь нар болохоор “Манай Болороо эр хүн сургахдаа гарамгай” гэсэн “онигоо”-ны эзэн болсон удаатай. Ер нь эрэгтэй гэлтгүй Топ Болороогийн хэдэн шавь нар Монголын загварын тайзыг эзэгнэж, гадаадад ч гайгүй явдаг. Загварын тайзан дээр 2000-аад онд гялалзаж явсан Гандуулга, Баярсайхан, Болор-Эрдэнэ гэсэн эрэгтэй загвар өмсөгчид сураггүй боллоо. Тэр тусмаа Топ Болормаагийн найз залуу байсан, эрлийз төрхтэй, царайлаг Баярсайханыг хүмүүс илүүтэй үгүйлдэг. Баярсайхан Чех аавтай эрлийз залуу. Европ төрхтэй Баярсайхан, Топ Болормаагийн найз залуу гэдгээ хаана ч нуудаггүй, хамтдаа “Гоёл”-д хуримын даашинз өмсөн загварын тайзыг эзэгнэж байсан. Гэвч загвар өмсөгч Баярсайхан сураг тасраад удлаа. Баярсайханыг Америкт амьдарч байгаа гэдэг. Топ модель Болормаа Баярсайханаас хойш найз залуутай болоогүй, ганцаараа амьдарсаар өдий хүрлээ. Хааяахан хэвлэлийнхэнд “Та нар л намайг найз залуугаас минь салгасан” гэж хэлдгийг бодоход Баярсайхандаа их хайртай бололтой. Хэдийгээр ид загвар өмсөх үедээ гадагшаа яваад сураг тасарсан ч Монголын загварын ертөнцөд нэр нь үлдэх загвар өмсөгч билээ.