Америкийн “Time” сэтгүүл Украины Ерөнхийлөгч Володимир Зеленскийг оны онцлох хүнээр тодруулжээ. Өмнө нь Британийн “Financial Times” сонин түүнийг мөн оны хүнээр нэрлэж байсан билээ.
Time сэтгүүлийн редакциас “44 настай Володимир Зеленскийг оны хүнээр шалгаруулахад хамгийн хялбар, эргэлзээгүй шийдвэр байсан. Украины дайн зарим нэгэнд итгэл найдвар, заримд нь айдас төрүүлж байгаа ч Зеленский сүүлийн хэдэн арван жил дэлхийг хэн ч донсолгож байгаагүйгээр донсолгож чадсан. гэж мэдэгджээ.
Дайн эхэлсэн эхний өдрөөс Зеленский зарим удирдагчид шиг эх орноосоо зугтахгүйгээр үлдэж Оросын эсрэг тулаанд ард түмэндээ урам зориг өгч, ардчиллын бэлгэ тэмдэг болж чадсан гэж Time онцолсон байна. Өмнө нь хошин жүжигчин байсан Володимир Зеленский 2019 оноос хойш Украины Ерөнхийлөгчөөр ажиллаж байгаа.
Дашрамд сонирхуулахад Time сэтгүүлээс 1927 оноос хойш жил бүр шалгаруулдаг. Өнгөрсөн оны онцлох хүнээр тэрбумтан Илон Маск шалгарч байв. 
()
Discussion about this post