Сүхбаатар аймгийн харъяат Жалавсүрэн прокорурын хүүхдүүд Монголын төр, улс төрд дуутай цуутай явснаас хамгийн алдартай нь УИХ-ын гишүүн асан Ж.Батзандан. 2005 оноос улс төрөөс 2008 оноос УИХ-ын гишүүний суудлаас салаагүй Ж.Батзандан 2020 оны сонгуулиар ялагдаж, Ерөнхийлөгчийн зөвлөх байгаад, Австралийн Элчин сайдын зөвлөхөөр ажиллаж явсан. Саяхан төрийн тэргүүнтэй муудалцан, Хөгжлийн банкны асуудлаар сүр дуулиантай баригдан, сар саатуулагдахаар болов. Түүнээс нэг хоногийн өмнө төрсөн ах ЗТХ-ийн дэд сайд Жалавсүрэнгийн Бат-Эрдэнэ баривчлагдан саатуулагдсан.
Ж.Батзандангийн төрсөн ах Ж.Бат-Эрдэнэ Төрийн өмчит компанийн захирал, яамны Төрийн нарийн бичгийн дарга, дэд сайд гэхчлэн сүүлийн 10 гаруй жил төрийн өндөр албан тушаалаас буугаагүй. Түүнийг төрийн тэргүүнтэй сайн найз гэлцдэг.
Ж.Батзандангийн төрсөн ах Ж.Бат-Эрдэнэ “Намайг 70 тэрбумын хөрөнгөтэй, мөнгөтэй гэж сэвжээ. Мөнгө хүссэн нэгэнд Ерөөл ч юм шиг мөрдөгдөж шалгуулж байгаа надад хараал ч юм шиг. Нуугаад байх хөрөнгө бас мөнгө үгүй. Харин зээл болон байгаа хөрөнгөө Хууль журмынх нь дагуу ХОМ- д тусгасаар ирсэн. 90-ээд оны ганзагын наймаанаас эхлээд олон төрлийн арилжаа наймаа хийсэн маань бас үнээн.
70 тэрбум битгий хэл 7 тэрбум ч алга.
Үнэн үнэнээрээ гарна биз дээ…” гэж цахим хуудсаараа дамжуулан мэдэгдэв.
Discussion about this post