Нийслэлийн 9 дүүргийн Ерөнхий боловсролын сургууль, цэцэрлэгийн ойр орчмын хүнсний худалдааны газруудад Мэргэжлийн хяналтын газраас 2022 оны 09 дүгээр сарын 05-ны өдрөөс 09-ны өдрийн хооронд хяналт шалгалт хийжээ.
Шалгалтад 530 худалдааны газар, сүлжээ дэлгүүр, ТҮЦ хамрагдсан байна.
Шалгалтаар 294 зөрчил илрүүлэн 215 буюу 73 хувийг арилгуулжээ. Илэрсэн зөрчлийн 36.9 хувь нь хаяг шошгын шаардлага хангаагүй, жижиглэн савласан газрын хаяг, он, сар, өдөр, цаг, минутыг бичээгүй, шошгын мэдээллийг бүрэн тусгаагүй хүнсний түүхий эд бүтээгдэхүүнийг хүнсний сүлжээнээс татан авалт хийлгүүлэн, албан шаардлага хүргүүлэв.
Мөн хадгалалтын горим алдагдсан, хугацаа дуусан хүнсний түүхий эд бүтээгдэхүүнийг байгууллагын дотоод хяналтын журмын дагуу устгуулж болзошгүй эрсдэлээс урьдчилан сэргийлж ажилласан байна.
Discussion about this post