39 настай Алехандра Силва, 72 настай жүжигчин Ричард Гиртэй нар найман жилийн өмнө танилцсан. Насны зөрүү нь хайр сэтгэл, гэрлэлтэд огтхон ч саад болоогүй. 2018 оны тавдугаар сард Ричард Гир, Алехандра Силва нар гэрлэсэн юм. Хуримын ёслолын ажиллагаа тун нууц болж, хуримын нэг ч зураг олон нийтэд ил болоогүй байсан юм. Тэгвэл саяхан Холливудын алдарт жүжигчний эхнэр хуримын зургаа олон нийтийн сүлжээнд байршуулжээ.
“Өнөөдөр миний уулзаж байсан хамгийн гайхалтай хүнтэй гэрлэсэн өдөр. Энэ нь хуучирсан үг шиг сонсогдож байгааг мэдэх ч үг маань үнэн! Би чамтай хамт байж, чамтай амьдралаа хуваалцаж, хүүхдүүдийнхээ ээж, найз нөхөд, эхнэр нь болж байгаадаа чин сэтгэлээсээ бахархаж байна! Та намайг маш их баярлуулж байна! Чи бол миний амьдралын хайр билээ” гэжээ.
Discussion about this post