“Оросын ертөнц”-ийн үзэл сурталч гэгддэг Оросын гүн ухаантан Александр Дугины охины машин Москва орчмын хурдны замд дэлбэрчээ. Эмэгтэй газар дээрээ нас баржээ. Гэрчүүдийн ярьснаар Дугин өөрөө машинд байх ёстой байсан ч эцсийн мөчид өөр машин руу шилжсэн байна.
Москвагийн тойргийн замаас 25 км-ийн зайд орших Большие Вяземы тосгоны ойролцоох Можайскийн хурдны замд бямба гаригийн орой эмгэнэлт явдал болжээ.
29 настай Дарья Дугинагийн жолоодож явсан “Ланд крузер Прадо” маркийн машин хөдөлж байхдаа дэлбэрч, хашаа руу орж, шатсан байна. Дариа газар дээрээ нас барж, SUV-ийн хэлтэрхий зам даяар тархсан байв.
ОХУ-ын Мөрдөн байцаах хорооны хэвлэлийн алба ням гарагт Дарья Дугинагийн амийг хөнөөсөн хэргийг урьдчилан төлөвлөж, захиалгаар үйлдсэн гэж мэдэгдэв. Мөрдөн байцаалтын явцад машины ёроолд жолоочийн суудал дор тэсрэх төхөөрөмж бэхэлсэн байсныг тогтоосон байна.
Энэ нь дайны сүүдэр террорист ажиллагаа бололтой. Дугин бол Их Евроазийн талаар ярьдаг философич, Путин түүнийг даган сонсдог гэж ярьдаг.
Харин охин Дарья Александровна Дугина буюу Дарья Платонова нь Оросын сэтгүүлч, улс төрийн зүтгэлтэн байв. Тэрээр Оросын хэт барууны үзэлтэй улс төрийн философич, ОХУ-ын ерөнхийлөгч Владимир Путиныг дэмжигч Александр Дугины охин бөгөөд улс төрийн үзэл бодлоо хуваалцдаг. Тэрээр 1992 оны 12 дугаар сарын 15-нд төрсөн байжээ.
Александр Гелевич Дугин бол фашист үзэл бодлоороо алдартай Оросын улс төрийн философич, шинжээч, стратегич юм. Цэргийн гэр бүлд төрсөн Дугин 1980-аад оны үед коммунистыг эсэргүүцэгч байсан юм. 
Discussion about this post