Сүүлийн үед 60 насыг залуу нас гэх болсон. Энэ нь үнэний хувьтайг эмэгтэйчүүд эхнээсээ баталж байна. УДЭТ-ийн сайхан бүсгүйчүүдийн нэг МУГЖ Б.Нармандах сая сар шинээр 60 нас хүрлээ. Биеийн жингээ ягштал барьж, цэл залуу бүсгүйчүүдээс дутахгүй гоолиг цэмцгэр МУГЖ Б.Нармандахыг 60 нас хүрсэн гэхэд гайхах хүн олон байна. “Унаган хайр” дууг амьдруулж, олонд танигдан оддын амьдралаар амьдарсан Б.Нармандахын хувийн амьдрал нь ч домог. Тэрбээр УГЖ Батсүхийн охин. Аавыг нь “Морьтой ч болоосой” киноны Гончигийн дүрээр монголчууд андахгүй. Нөхөр нь манай алтан үеийн сор жүжигчдийн нэг Ардын жүжигчин Жамсранжав агсан. Өөрөөсөө үе мултарсан ах нэрт жүжигчинтэй ханилсан, УГЖ аавтай Б.Нармандах л урлагийн тэнгэрт мандсан оддын нэг. Ажил үйлсээрээ ч, хувийн амьдралаараа ч дуулиантай амьдарсан Б.Нармандах хатагтайд өнгөрсөн ч гэсэн төрсөн өдрийн мэнд хүргэе.
Discussion about this post