Сэлэнгэ аймгийн Ерөө сумын нутаг дэвсгэрт “Могойн гол” гэх газарт нутаглаж байсан айлын гэрт өнгөрсөн шөнө баавгай орж аав, хүү хоёрын аминд хүрсэн хэрэг гарсан. Аав, хүү хоёрыг тэнэмэл баавгай барьж, аав нь эхлээд амиа алдахаасаа өмнө амжиж хүүхдээ хөлдөөгчид нуусан ч баавгай хөлдөөгчийг зад цохиж бяцхан хүүг барьж амь насыг нь хөнөөсөн аймшигт явдал 2019 оны 10 дугаар 04-нд гарсан. Үүнээс улбаалан тус аймагт онцгой байдал зарлаж, оршин суугчдад баавгайн эсрэг буу ашиглахыг тухайн үедээ зөвшөөрч байсан билээ.
Харамсалтай нь амиа алдсан иргэд нь 55 настай эрэгтэй О, найман настай эрэгтэй Б нар болох нь тогтоогдсон. Баавгай чоно, нохойтой зүйрлэхгүй аймшигт араатан. Тиймээс баавгайтай хамаагүй харьцаж, барьж хүрч, хоол унд өгөхгүй байхыг сэрэмжлүүлж байна.
Ард иргэд баавгайнаас айхгүй, тоомжиргүй харьцаж байгаатай холбогдуулан сэрэмжлүүлэг болгон сөхөж бичлээ. Сэтгэлийнх нь шархыг хөндсөнд бурхан болоочдын ар гэрийнхээс уучлал гуйя.
Discussion about this post