Жүжигчин И Сун Гюн машиндаа АМИА ХОРЛОСОН тухай Солонгосын хэвлэлээр мэдээлж байна

Хар тамхины хэрэгт сэжиглэгдэж байсан Өмнөд Солонгосын жүжигчин И Сон Гюн машиндаа амиа хорложээ. Тэрээр машиндаа нүүрс (түлш) шатааж угаартан ухаан алдсан байдалтай олджээ.

Түүний бүх шинжилгээний хариу сөрөг буюу хар тамхи хэрэглээгүй гэж гарсан боловч цагдаа нар мөрдлөгөө зогсоогоогүй, нэмж шинжилгээ аваад байсан юм.

Оскарын шагналт “Parasite” киноны гол дүрийн жүжигчин И Сун Гюүн машинаасаа ухаангүй олдсон тухай тус улсын хэвлэл мэдээллийн хэрэгслүүдээр цацагдаж эхэлжээ. Чусон Илбу сонинд мэдээлснээр жүжигчин И Сун Гюүн машинаасаа ухаангүй олдож, түүнийг яаралтай тусламжийн тасагт хүргэсэн гэжээ.

Түүнийг өглөөний 10:30 цагийн орчимд Сөүл хотын төвд байх нэгэн цэцэрлэгт хүрээлэнгийн ойролцоогоос олжээ. Түүний машины зорчигчийн суудалд шахмал түлш олдсон байна. Цагдаа нар жүжигчин И Сун Гюн амиа хорлох тухай гэрээслэл бичээд гэрээсээ гарсан тухай мэдээлэл авсан гэж дурдсан байна.

Жүжигчин И Сун Гюн хар тамхи хэрэглэсэн хэргээр байцаагдаж байсан. Тэрээр хүнд хууртагдан хар тамхи хэрэглэсэн хэмээн мэдүүлсэн бөгөөд шинжилгээнийх нь хариу сөрөг гарсан билээ.