Анжелина Жоли “инста”-д богино хугацаанд 1,2 сая дагагчтай болсон дээд амжилт тогтоожээ

Холливудын од, зургаан хүүхдийн ээж Анжелина Жолигийн нэр дээр зуу зуун хэл дээр, үй түмэн хаяг бий. Харамсалтай нь тэд бүгд хуурамч. Сайн хүний нэрийг гурав худалдаж иднэ гэгчээр дэлхийн улс бүрд нэр дээр хаяг нээчихсэн улс бий. Нас нь 45 хүртлээ албан ёсны хаяггүй, сошиал орчинд “мөргүй” явсан Анжелина Жоли өөрийн гэсэн инстаграм хаягтай болжээ. Анжелина Жолиг аккаунт нээгдсэн даруйдаа олон хүн дагажээ. Тэрбээр хамгийн богино хугацаанд 1 болон 2 сая дагагчтай болсон гэх дээд амжилтыг дэлхийд тогтоосон байх юм. Харин алдартай жүжигчин Анжелина Жолигийн  анхны пост нь “Афган охиноос ирсэн захидал” нэртэй нийтлэл байна.