ОТГОНТЭНГЭР ХАЙРХАНЫ ТЭНГЭРИЙГ ТАЙХ төрийн ёслол тахилгын үеэр 3000 ширхэг хогийн уут автомашинуудад тарааж өгөхөөр бэлтгэл ажлаа хангаад байна. Отгонтэнгэрийн ойролцоо Буянт баг өнгөрөөд байдаг хаалга, мөн отоглосон хэсэгт тараахаар төлөвлөж байна. Энэ хогийн үнэгүй тараана. Тахилгын үйл ажиллагаанд оролцохоор төлөвлөсөн иргэд та бүхэн хогоо хогийн уутанд хийж машиндаа авч яван тусгайлан бэлдсэн хогны цэгт хаяж байгал эх дэлхийгээ хамгаалж соёлтой аялахыг уриалж байна. Ингэхэд 00 цаас, хадаг хоёр зэрэгцээд намирч байвал ямар юмных нь тахилга болох билээ. Хүн бүр бие биендээ шаардлага тавьж байгалиа хамгаалах нь бидний ариун үүрэг. Хадаг, 00 цаас, сүүний сав, бүх төрлийн хүнсний уут сав баглаа, ариун цэврийн хэрэглэл, боодлыг нь задлаагүй чихэр гэх мэт олон зүйлс нь бидэнд анзаарагдахгүйгээр хог болон үлддэг тул анх очиход ямар байсан яг тэр хэвээр нь үлдээж ирэхийг уриалж байна.
Discussion about this post