Монгол Улсын ерөнхийлөгч асан Х.Баттулга “Нэг овоо тахилгат 160 сая төгрөг хэт үрэлгэн байна” гээд өөрөө явахгүй бие төлөөлөгчөө явуулдаг байсан гэдэг. Харин шинээр сонгогдсон Ерөнхийлөгч У.Хүрэлсүх өчигдөр Сутай уулын тахилганд оролцжээ. Ерөнхийлөгч У.Хүрэлсүхийг дагасан машины цуваа, нисдэг нисдэг тэрэг, 30,40 улсын дугаартай 200 машин хөлөглөж феодалууд шиг сүртэй очжээ. Үүнд ойролцоогоор хагас тэрбум төгрөгөөр лавтайяа баяр наадам хийж байх шиг байна, энэ хүнд хэцүү үед үрлэгэн зардал юм даа гэж иргэд толгой сэгсэрч сууна.
Сутай хайрхан уулын ихэнх нь Говь-Алтай аймгийн Тонхил сумын нутагт оршдог боловч цаад талаараа Ховд аймгийн Дарви, Цэцэг сумын нутагт хамаарах хайрхан юм. Ноён оргил Цаст богд нь д.т.д 4234 метр өндөр бөгөөд Сутай хайрхан уул 60 км сунаж тогтсон. 2000 онд Сутай хайрханд уулчин авирч энэ өндрийг тогтоосон. Араараа хар модон ойтой, Монгол Алтайн нурууны 13 мөнх цаст уулсын нэг. Хайрханы өврөөс Усан зүйлийн гол эх авч Тонхил нуурт цутгана. Сутай хайрханы өвөрт байх нэг бага шиг өндөрлөг дээр эрт үеэс тахиж ирсэн Их овоо бий. 2007 оны 7-р сарын 26-нд Ерөнхийлөгч Н.Энхбаярын 183 тоот зарлигаар Их овоог тахиж Сутай хайрханыг төрийн тахилгатай болгосон бөгөөд 2008, 2012, 2016 онуудад үйлджээ. 
Discussion about this post