Улсын начин Э.Энхбат бусдад зодуулснаас хүнд гэмтэл авч, Гэмтлийн эмнэлгийн сэхээн амьдруулах тасагт гурав хонож байна. Энэ хэрэгт Олимпын аварга, Хөдөлмөрийн баатар, Гавьяат тамирчин, Чингис хааны одонт МҮОХ-ны Ерөнхийлөгч Н.Түвшинбаярыг холбогдуулан шалгаж байна. Ерөнхийлөгч Х.Баттулгын ойрын хүн гэгддэг Н.Түвшинбаяр нь өдгөө Ерөнхий сайд Л.Оюун-Эрдэнийн зөвлөхөөр ажиллаж буй.
Тэрээр Хан-Уул Дүүргийн Цагдаагийн 1-р хэлтэст мэдүүлэг өгсний дараа “толгойдоо бага зэрэг” гэмтэлтэй, 6 оёдол тавуилсан гэх шалтгаанаар баривчлагдах бус, эмнэлэгт хэвтэн эмчлүүлж байгаа. Н.Түвшинбаярыг мэдүүлэг өгөх үед түүний өмгөөлөгч Л.Данзанноров хамт байжээ. Н.Түвшинбаяр мэдүүлгийн үеэр “Хэтэрхий их уусан байсан тул юу ч санахгүй байна” гэжээ. Түүнийг эмнэлэгт байх 72 цагийн хугацаа дууссаны дараа хойшлуулшгүй ажиллагаагаар 48 цаг саатуулах саналыг мөрдөн байцаагчийн зүгээс прокурорын байгууллагад гаргахаар болжээ.
Discussion about this post