Ардын жүжигчин Н.Сувдын хүү Т.Мөнх-Оргил Америк эхнэртэй

МУГЖ Сараа Рагугийн төсөлд оролцон, залуу гитарчин Т.Мөнх-Оргилтой хамтран “Учралын блюз” дуугаа сэргээн дуулсан. Гитарчин залуу Т.Мөнх-Оргил нь Ардын жүжигчин Намсрайн Сувдын хүү, дуучин Бат-Оргилын төрсөн дүү нь. Тэрээр Америкт хөгжмийн дээд сургуульд суралцаж төгсөж ирсэн, Америк эхнэртэй америкжсан залуу. Мөнх-Оргилын эхнэр нь эмч бүсгүй. Цагаан арьстай хөөрхөн америк бүсгүйг хүмүүс АЖ Сувдын сувд шиг бэр гэлцдэг. Дуучин Б.Сарантуяагийн анхны нөхөр нь алдартай сайхан бүсгүй байсан Цогзолмаа гуайн ганц хүү Н.Ганхуяг. Тэд ерээд оны эхээс ерээд оны дунд үе хүртэл хамтдаа амьдарсан, Сараа, Ганхуяг хөтлөлцөөд 40 мянгатаар алхаж явдаг байсныг одоо санах хүмүүс бий. Сараа одоо ч энэ урлагийн элит гэр бүлийнхэнтэй сайхан харилцаатай явдаг гэдэг. Тиймээс нэгэн цагт ханилж явсан хүнийхээ дүүтэй хамтарч алдарт “Учралын блюз” дуугаа ахин шинээр эгшиглүүлсэн нь олны таалалд нийцэж, залуу гитарчин Т.Мөнх-Оргилыг ч олон нийт анхаарч эхэллээ.