Жүжигчин Ц.Номин 2019 оны хавар Соёл, урлагийн их сургуулийг жүжигчин мэргэжлээр төгссөн. Залуусын дуртай цуврал болох “37 дугаар точка” киноны Солонгын дүрээрээ олонд танигдсан азтай залуу жүжигчин. Ц.Номин дүрийнхээ талаар “Солонгын хувьд их эмзэг, энхрий учраас киноны туршид нэлээд уйлдаг. Гэтэл Номин гэж хувь хүн баргийн зүйлд уйлдаггүй, хатуу” гэж ярьж байлаа. Энэ нь ч үнэн. Өнгөрсөн намар Ц.Номин Стар телевизийн хөтлөгч Х.Санжсүрэнтэй дотносож байгаад найз бүсгүй Номин-Эрдэнэд нь баригдаж, эвгүй байдалтай бичлэг олон нийтийн сүлжээнд цацагдсан. Хүмүүс Санжсүрэн, Номин хоёрыг өрөвдөж, Номин-Эрдэнийн “шуламлаг”-ийг гайхаж, дагаж мөрдөж бичлэг хийсэнд буруутгаж байлаа. Иймэрхүү асуудалд эмэгтэй хүнийг буруутгах хандлага их байдаг болохоор залуу жүжигчин Ц.Номинд бүр их хүнд цохилт болсон нь лавтай. Зарим хүмүүс “Жүжигчин Номин амиа хорлочихвий” гэж хүртэл болгоомжилж байсан. Бичлэг цацагдсаны дараахан Номин инстаграмаа хаасан. Харин “хэргийн холбогдогч” болох Санжсүрэнгийн экс найз бүсгүй Номин-Эрдэнийн инстаграмыг дагадаг залуусын тоо 10 гаруй мянгаар нэмэгдэж, 26 мянгаас 36 мянга шууд хүрсэн.
Энэ эвгүй бичлэг цацагдсанаас хойш Ц.Номингийн тоглосон “Төлөөс” кино нээлтээ хийж, Номин ч эргээд олны өмнө гарч, инстаграмаа хөтөлж эхэлсэн. Ц.Номинг даган сонирхож хөөрхнийг нь гайхах залуус олширч дагагч 140 мянга гарч байгаа. Өмнө нь 100000 хүрэхгүй хүн дагадаг байсан. Энэ явдлын дараа Ц.Номин улам “цэцэглэж”, өдрөөс өдөрт өнгө нэмсээр. Олны хэлдгээр “өөдрөг хүн өөр лүү нь шидсэн чулуугаар байшин барьдаг” гэдэг үг залуу жүжигчин Ц.Номингийн хувьд биеллээ оллоо.
Залуу жүжигчин Ц.Номин 20 гаруйхан настай ч нэг охинтой. Ц.Номин маш багадаа ээж болсон гэж өөрөө ярьсан. Тэрбээр “37 дугаар точка” кинонд тоглох болсон тухайгаа
“-Дүрийн шалгаруулалт эхэлчихсэн байх үед нь заавал очиж шалгуулна гэж бодож байтал яг тэр өдөр нь охины минь төрсөн өдрийн баяр давхацчихсан учраас шалгуулж чадаагүй. Хугацаа нь дууссан. Тэгтэл нэг өдөр “Фантастикаас холбогдож байна. Ирээд дүрийн шалгаруулалтад ороод үз. Бид шинэ, залуу жүжигчдээ дэмжих хүсэлтэй байна” гэж хэлсэн. Бөөн баяр, ирээд шалгуулаад тэнцсэн. Эхэндээ тэнцсэндээ итгэхгүй, Солонгын дүрд тоглохоор боллоо гээд бөөн баяр болж хэсэг явсан. Хэд хэдэн удаагийн зураг авалтын дараагаас “Надаас болж хүмүүс ажлаа алдах ёсгүй, бүх чадлаараа хичээж дүрээ бүтээнэ” гэж өөртөө зорилго тавьсан. Гэхдээ ямар том хариуцлага үүрч байгаагаа удалгүй мэдэрсэн…” гэж ярилцлага өгсөн билээ. WWW.TAIZ.MN
