Ийм нэгэн хэргийг шүүх саяхан шийдвэрлэжээ. Өсвөр насны шүүгдэгч … овогтой … , мөн өсвөр насны шүүгдэгч … овогтой … нар нь хохирогч Б.С-ийн гэрт орж төмөр сейфнээс нь нийт 30,4 сая төгрөгийг хулгайлсан гэмт хэрэгт холбогджээ. Хохирогч нь “…Би зах дээр худалдаа наймаа эрхэлж эргэлтийн хөрөнгийг Хан-Уул дүүргийн 16 дугаар хороо …. хороолол … дугаар байрны … тоотод тоотод төмөр цоож бүхий кодоор болон түлхүүрээр нээгддэг сэйфинд хадгалдаг. Хамгийн сүүлд ээж болон эхнэрийн хамтаар тоолоход тоолоход монгол мөнгө 235,000,000 төгрөг, 22,000 мянган доллар, 95,000 мянган юань бэлнээр байсан. Тэгээд хөдөө зугаалгаар яваад ирээд тоолоход 57,400,000 төгрөг сэйфэнд ямар нэгэн гэмтэлгүй хулгайд алдагдсан байсан…” гэжээ. Энэ хэрэгт хохирогчийн хүү эхлээд сейфнээс мөнгө авчээ. Өвөө нь “…Манай ач нь хүүхдүүд мотоцикл унаад байна, надад аваад өгөөч гээд гуйгаад байхаар нь чи өөрөө нууц үгийг нь мэдэж байгаа биздээ өөрт хэрэгтэй мөнгөө авахгүй юу даа гэж хэлсэн. Тэгээд ач хүүд мөнгө аваарай гэж хэлсэнээ ч мартсан бас эхнэр болон хүүдээ хэлнэ гэж байгаад ч мартсан. Ач хүү тухайн мөнгөнөөс захиран зарцуулах эрхтэй … “ гэж мэдүүлжээ. Ач хүү нь “… тухайн хэрэг болсон өдөр гэртээ ганцаараа байхдаа жижиг өрөөнд байдаг төмөр сэйфний нууц үгийг хийж сэрээний урд үзүүр хэсгийг мурийлгаж байгаад цоож хэсэгт нь оруулан эрүүлж нээн 20 саяыг авсан. Тэр өдрөө 17,000,000 саяар мотоцикль худалдаж авсан. Хамгаалалтын дуулга малгай 600 мянга, бээлийн 350 мянгаар авсан. Би энэ талаараа өөрийн найзууд болох … нарт яриад бас нууц үгийг ам алдаад хэлсэн байсан. Гэтэл тэд дараа нь манай гэр лүү орж мөнгө сэйфнээс авсан талаараа надад огт хэлээгүй …” гэжээ. Хоёр найз нь сейфнээс 30,4 саяыг аваад мөн мотоцикль авчээ. Энэ тухай бусад найз нар нь “…ойрд манай найзууд болох Ч****, Т**** нар мөнгөтэй яваад байсан мөн мотоцикль унаад байхаар нь би аав ээж нь авч өгсөн байх гэж бодсон. Ч***** надад 1xbet тоглож байгаад мөнгө хожиж мотоцикль авсан гэсэн. Биднийг КФС-д даагаад явдаг байсан …” гэжээ. Өсвөр насны хоёр хүүгийн хохирлыг ар гэр нь барагдуулжээ. Шүүх тэдэнд нэг жилийн хорих ял оноогоод ял эдлэхийг нь нэг жилээр хойшлуулжээ.
Discussion about this post