Энэ хэрэг хилийн чанадад буюу өнгөрсөн оны эхээр далайн чанадад буюу Арабын Нэгдсэн Эмират Улсын Дубай хотоос Катар Улс руу явах замд Персийн булан (Арабын булан)-д 20 давхартай том оврын аяллын усан онгоцны 12-р давхарт гарсан ч Монголд ирэхэд нь шалгажээ. Шүүгдэгчийн эхнэр нь сүлжээний бизнесд орсоныхоо 10 жилийн ойг тэмдэглэн голдуу гэр бүлийн голдуу хүмүүс Туркын Истанбулд очжээ. Тэндээ аялж явсан монголчуудтай танилцан Дубай орж аялалын усан онгоцоор Персийн булангийн том боомтуудар дайран долоо хоног аялжээ. Хэрэг гардаг өдөр аялагчид том найр хийж архидсан байна. Хохирогч нь “Наймуулаа нэг ширээнд суусан. Хүмүүс бүжиглэх гээд боссон хойно хүргэн ах Б пиво, коктайлаас уу гээд шахаад байсан. Шөнийн 00 цагт өрөөндөө орсон. Ц ах Монголоос авчихсан гээд өндөр шилтэй гадаад бичигтэй архи гаргаж задалсан. Хүргэн ах чи Европын хуулиар 18 нас хүрсэн юм чинь тохируулаад архи ууж болно гэж хэлээд өгөхөд нь нэг балгасан. Ер нь байсхийгээд л шахаад байсан. Тэгээд дотор муухай оргиж өрөөнөөс гараад далайн салхинд цохиулсан. Толгой эргээд шатнаас уначих шиг болсон, нэг мэдэхэд хүргэн ах өрөөндөө оруулаад миний амыг гараараа дараад амьсгалах аргагүй болсон, би ухаан алдсан байх… Ухаан ороход өмссөн байсан хар цагаан судалтай шорт болон хар өнгийн турсик тайлагдчихсан, даашинз нил цус болчихсон, хажууд хүргэн ах шалдан хэвтэж байсан. Би арай гэж өрөөнөөс нь гараад зөндөө төөрч байж өөрийнхөө өрөөндөө очсон. Намайг ортол бүгд яасан юу болсон, хаана ингэснийг нь асуухад би уйлаад л байсан. Эгч Х надаас Б ингэсэн үү гэхээр нь тийм гэсэн. Намайг унтаж байхад Х эгч цус болсон хувцасыг угаачихсан байсан. Истанбулын онгоцны буудал дээр хүргэн ах хажууд ирээд юу ч болоогүй юм шиг агаагaa уучлаарай гэсэн. Монголд ирээд ээж, аавтайгаа юм ярьж чадаагүй, хоѐр өдрийн дараа л утсаар хэлсэн. Өмнө нь би хүнтэй бэлгийн харьцаанд огт орж байгаагүй” гэжээ. Хохирогч усан онгоцонд амиа хорлох үйлдэл хийснийг Х эгч нь “цонхоор үсэрчих гээд, угаалгын өрөөнд ороод үсний индүү, хайчаар хоолойгоо ороож үзсэн, банны өрөөны дээд талаас цамцаараа хоолойгоо боох гэж үзсэн” гэжээ. Хохирогчийн ээж “Миний охин 2025 оны 01-р сарын 24-ний өдөр Дубайгаас усан онгоцоор яваад Катар ирээд сүлжээтэй болсон байна гээд “энд маш их хэцүү байна, би үхчих үү” гэж чатаар асууж бичсэн. Би гадарлаад “чамайг хүчиндсэн юм уу гэж асуухад хүргэн ах намайг хүчиндсэн, зодсон, боож унагаагаад гарнаас нь чирсэн” гэсэн. Шүүх хүчиндэх гэмт хэргийг хохирогчийг согтуурсан биеэ хамгаалах, эсэргүүцэл үзүүлэх чадваргүй байдлыг далимдуулан гэр бүлийн хамаарал бүхий харилцаатай хүний эсрэг үйлдсэн гээд шүүгдэгчид таван жилийн хорих ял оноожээ.
Discussion about this post