Монгол Улсын нийгэм, эдийн засгийн хөгжилд бодитой хувь нэмэр оруулж буй шилдэг аж ахуйн нэгжүүдийг тодруулан өргөмжилдөг ТОП-100 шалгаруулалтад М-Си-Эс Группийн 11 компани шилдгээр эрэмбэлэгдлээ.
Сүүлийн таван жилийн нийлбэр дүнгээр 4.4 их наяд төгрөгийн татвар, шимтгэлийг төвлөрүүлснээс 2024 онд 1.3 их наяд төгрөгийг улсын төсөвт оруулсан байна.
Бид жил бүр тогтвортой ажлын байр шинээр бий болгож, 14 мянган үндсэн ажилтнаас гадна 30 мянга гаруй иргэнийг шууд болон шууд бус ажлын байраар ханган ажиллаж байна.
2024 онд М-Си-Эс Группийн компаниуд нийт 4.5 их наяд төгрөгийн худалдан авалт хийснээс дотоодын 5,817 аж ахуйн нэгж болон 2,534 хувь хүнээс 3.1 их наяд төгрөгийн “эх оронч” худалдан авалтыг хийж, үндэсний бизнес эрхлэгчдээ дэмжсэн юм.
2024 онд нийт 54.6 тэрбум төгрөгийг нийгмийн хариуцлагын үйлсэд зарцуулсан байна.
М-Си-Эс Групп өдөр бүр 3.6 тэрбум, сард 108 гаруй тэрбум төгрөгийн татвар, шимтгэлийг төвлөрүүлж, шууд бусаар 20 мянган хүнийг тогтмол ажлын байртай болгож улс орны нийгэм, эдийн засгийн хөгжилд бодитой хувь нэмрийг оруулж, нийгмийн өмнө хүлээсэн хариуцлагаа бүрэн ухамсарлан ажиллаж байна.
Discussion about this post