Уэльсийн хунтайж энэ 2024 оныг амьдралынхаа “Хамгийн хүнд жил” байсан гэжээ. Өмнөд Африкт дахь айлчилсан хунтайж сэтгүүлчидтэй уулзах үеэрээ “Энэ үнэхээр аймшигтай байсан. Миний амьдралын хамгийн хүнд жил байлаа. Бүх зүйлийг цэгцлэх гэж хичээх нь үнэхээр хэцүү байсан” гээд эхнэр болон аав нь хорт хавдартай гэж оношлогдсоны дараа, ямар байсан хэрхэн даван туулж буйгаа сэтгэгдлээ хуваалцсан байна.
Букингемийн ордон Хааныг хоёрдугаар сард хорт хавдартай гэж оношилж, түүнэээс сарын дараа Уэльсийн гүнж мөн хорт хавдартай болж, хими эмчилгээ хийлгэж эхэлсэн хэмээн мэдээлсэн юм.
Саяхан гүнж Кэтрин хими эмчилгээгээ дуусгаж, Хаан аав нь олон нийтийн ажилдаа эргэн оржээ. Ханхүү Уильям “Би эхнэр, аав хоёрынхоо бүх зүйлийг даван туулж буйг хараад тэднээр үнэхээр бахархаж байна. Гэхдээ энэ бол гэр бүлийн хувьд үнэхээр хүнд сорилт байлаа” гэжээ.
Мөн Ханхүү сахлынхаа талаар ярьж, сахлаа ургуулж байгаа нь түүний ойр дотныхонд, тэр тусмаа ганц охин Шарлоттад таалагдахгүй буй талаар ярьжээ. “Сахлаа ургуулж буй минь Шарлоттад огт таалагдаагүй. Тэр бүр уйлсан, тиймээс би сахлаа хуссан ч эргээд ургуулсан л даа. Охин минь дахин бодож үзээд, аав сахалтай байж болох юм байна” гэсэн хэмээн ярьсан байна.
Discussion about this post