Дүнжингарав захын уулзалт гарсан галын осол, олон хүний амь нас, эрүүл мэнд, эд хөрөнгийг сүйтгэсэн дэлбэрэлтийн дараа Шадар сайд С.Амарсайхан, ОБЕГ-ын дарга Г.Ариунбуян нар “алба хаагчдаа хувцаслах, аврах ажиллагаанд ашиглах тусгай техник хэрэгсэл авах гэхээр төсөв мөнгө хүрдэггүй” хэмээн “матрын нулимс” унагаж үзүүлсэн. Гэтэл мөнгөгүй биш, мөнгөтэй байгууллага гэдгийг харуулсан нэгэн баримт байна. Бүр тэрбум тэрбумаар нь цацдаг айл санж.
Тухайлбал, гамшгаас сэргийлэх мэдээллийг иргэдэд цаг алдалгүй хүргэхийн тулд Шадар сайд С.Амарсайхан өнгөрөгч долдугаар сард, наадмын өмнө тушаал гаргаж, 1,6 тэрбум төгрөгийг ОБЕГ-д шилжүүлжээ. ОБЕГ-ын дарга Г.Ариунбуян энэ мөнгөнөөс нь эхлээд 117 саяыг, дараа нь 491 сая, нийт 668 сая төгрөгийг 64 хэвлэл мэдээллийн хэрэгсэлд хувааж өгсөн байна. Гэрээний хүрээнд хийсэн ажлыг нь харахад гамшгаас гэргийлэх гэхээсээ илүү Шадар сайд, Онцгойгийн дарга хоёрын “пиар”… “С.Амарсайхан сайд тэглээ”, “Г.Ариунбуян дарга ингэлээ” гэх мэдээлэл голчилно.
Эндээс харвал, манай улсад нүүрлэсэн хамгийн том гамшиг бол Онцгойгийн дарга, сайд хоёр юм гэдэг дүгнэлтэд хүрч болох нь. Бараг алхсан алхам, амнаас үсэрсэн “шүлс” болгоноо мэдээлдэг юм байна.
()
Discussion about this post