Америкийн од дуучин Jessica Simpson анх 6 жилийн өмнө архинаас ангижрахаар шийджээ. Түүний эрүүл амьдрах хүсэл, аялал эхлэх үед анх зүүн талын зургийг хуваалцаж байсан. Өчигдөр тэр үүнийг “6 жилийн өмнө” гэж дахин хуваалцсан. Одоо 43 настай дуучин бүсгүй ийм сайхан болж, өмнөх дүр төрхөө эргүүлэн олж авчээ.
Жессика Симпсон махлаг, будаггүй зургаа тайлбарлахдаа “2017 оны 11-р сарын 1-ний өглөө эрт би ийм сэрсэн. Энэ хүн бол би, миний танигдахын аргагүй хувилбар. Би архины хамаарлаас гарч, тархин дахь түгжээгээ тайлахаар шийдсэн. Би өөрийгөө олж, таньж мэдсэн. Яг л энэ мөчид би ухаарч, дотоод гэрлээ буцаан авч, өөрийгөө хүндлэх дотоод тулаанд ялалт гаргасан. Би архи уухаа болих хэрэгтэй байсан. Учир нь миний оюун ухаан, зүрх зөрчилдөж, үнэнийг хэлэхэд би ядарч туйлдсан, өвдөлтийг мэдэрсэн. Нэр алдрыг дааж явах, өөрийгөө удирдаж урагшлан, энэ мөчлөгийг эвдэхийг хүссэн. Хийсэн сонголтондоо харамсаж, харуусал тээж энэ үзэсгэлэнтэй ертөнцөд үлдсэн хугацаандаа дахин хийж бүтээх хүсэл төрсөн.
Архитай нөхөрлөөд 4 жил өнгөрсөн гэдэгт итгэж чадахгүй нь! Магадгүй 2 жил юм шиг л санагдаж байна. Архидалт, архичин гэдэг шошготой хүний эргэн тойронд маш их хүндрэл бий. Архичин хүн амьдралд хийх ёстой байсан жинхэнэ ажлаа алдаж, бүтэлгүйтэл, өвдөлт, шархлал, өөрийгөө доройтуулж, гутаахыг хүлээн зөвшөөрдөг юм. Гэхдээ архидалт асуудал биш байсан. Асуудал би байсан. Би өөрийгөө хайрлаагүй. Би өөрийгөө хүндлээгүй, өөрийнхөө хүч чадварыг хүлээн зөвшөөрөөгүй. Өнөөдөр би айдсаасаа салж, амьдрал улам сайхан болж, амьдралынхаа хамгийн хэцүү, гунигтай хэсгүүдийг хүлээн зөвшөөрсөн. Би хүчтэй, сэтгэлийн хөдлөлөө зоригтойгоор эзэмшин илэрхийлдэг. Би зэрлэг, шударга, бас тухтай нээлттэй. Би эрх чөлөөтэй. гэжээ.
Шаргал үст дуучин бүсгүй Жессика Симпсон бол Бритни Спирс, Кристина Агулера нартай нэгэн үед дуулж, нэр алдарч хүрсэн дуучин жүжигчин юм. 2010 оноос эхлэн Америк хөлбөмбөгийн тоглогч Эрик Жонсонтой болзож, 2014 онд гэрлэсэн юм. Нэг охинтой, охиныхоо анхны зургийг 800 мянган доллароор зарж байлаа.
Жессика Симпсон 1997 онд 17 настайдаа Columbia Records-тэй гэрээ байгуулжээ. Түүний анхны цомог “Sweet Kisses” нь АНУ-д хоёр сая хувь борлогдож, “I Wanna Love You Forever” сингл нь арилжааны дээд амжилтыг үзүүлсэн юм. Харин архины хамааралд орж, охиноо сургууль хүргэж чадаагүй гэгдэх болсон. Мөн 2017 оны Хэллоуины баяраар нөхөр Эрик Жонсонтойгоо хамт охин Максвеллд зориулсан сургуулийн цуглаанд оролцох байсан ч өглөө 07:00 цагаас архи ууж эхэлжээ. Ингээд тэр oрой болоход хэтэрхий согтуу байсан тул хүүхдүүдтэйгээ бэлэг өгөх уламжлалт ёслолд явж чадаагүйгээ ч хүлээн зөвшөөрчээ. Энэ бүхний эцэст тэрбээр дөрвөн жилийн хугацаанд автсан өөрийнхөө асуудлаа даван туулж одоо бүх зүйл сайхан болсон гэдгийг онцолж байна.
()
Discussion about this post