Залуу жүжигчин У.Минжин Х Түц продакшны жүжигчин. Анх хийл хөгжмөөр хичээллэж, “Guys” хамтлагийн дуучин А.Төгсбаяр байгуулсан МААЗ хамтлагт дуулж явсан үе бий. СУИС-ийг 2015 онд төгсөөд, урлаг судлалын чиглэлээр СУИС-д магистрийн зэрэг хамгаалсан. 2017 оноос 2020 он хүртэл багшлах мөрөөдлөө биелүүлж Монголын хүүхдийн ордны драмын дугуйлангийн багшаар ажиллажээ. Одоогоор 10 гаруй кинонд тоглосон ч “Манайд ирсэн дурлал”, “Нийслэл хүүхэн” олон ангит киногоор хүмүүст танигдсан. Мөн “Voice of Mongolia” шоунд Төрийн соёрхолт Д.Болдын багт багтан тайзан дээр “Бидний амьдардаг ертөнц” дууг нь эмэгтэй хоолойгоор дуулсан түүх дурсамж түүнд бий. У.Минжин 2022 онд хүүхэдтэй болон нижгэр хурим хийсэн ч харамсалтай нь салсан гэх яриа гардаг. Тэрбээр “Эрэгтэй хүн хэт бардам зантай байх дэмий, хайртай бол уучлаад, гуйгаад сөгдөөд амьдрах ёстой” гэсэн утгатай зүйл хэлснээсээ болоод нэг хэсэг хэл амны бай болсон. Дөрвөн дүүтэй, сайхан үртэй, цэл залуухан авъяаслаг жүжигчин У.Минжин улам олон сайхан дүр бүтээж олны хайр хүндэтгэлийг хүлээсэн сайн жүжигчин болно биз ээ. 
()
Discussion about this post