ОХУ-ын “Хүмүүнлэгийн ертөнц” сангаас жил бүр уламжлал болгон зохион байгуулдаг “Ялта хүрэх зам” олон улсын хөгжмийн V наадамд оролцох Монгол Улсын Соёл Урлагийн Их сургуулийн Хөгжмийн урлагийн сургуулийн Сонгодог урлагийн тэнхмийн дуурийн дуулаачийн 4-р дамжааны оюутан Батцэнгэлийн Заяат энэ сарын 23-ны өдөр ОХУ-ыг зорино.
Тэрбээр уралдааны болзол ёсоор Төрийн ордон Кремлийн тайзнаа Монгол Улсаа төлөөлөн хоёр удаа гарах юм. Тэгэхдээ 4-р сарын 29-ны өдөр Б.Заяат нь өөрийн эх хэлнээ Оросын нэрт яруу найрагч Лев Ошанины шүлгээр хөгжмийн зохиолч Анатолий Новиковын тэртээх 1945 онд бүтээсэн, монголчууд бидний сэтгэлд хоногшсон ” Эх, дороги” дууг дуулахаар бэлдэж буй.
Оросын “Россия” телевизээр ирэх 5-р сарын 2-ны өдөр шууд дамжуулах “Ялта хүрэх зам” олон улсын хөгжмийн V наадмын Гала тоглолтоор 6000 үзэгчтэй Кремлийн Их танхимд Монгол Улсын Соёл Урлагийн Их Сургуулийн 22 настай оюутантай “Эх, дороги” дууг хамт дуулах Оросын “од”-ыг шүүгчид өнөөдөр нэрлэлээ.
ОХУ-ын Гавьяат жүжигчин (2019), ОХУ-ын Төрийн шагналт (2001), Оросын драмын урлагийн дээд шагнал болох “Алтан маск”, кино урлагийн “Кинтавр” дээд шагналын эзэн, ОХУ-ын Үндэсний кино урлаг, шинжлэх ухааны Академийн “Алтан Бүргэд” шагналын эзэн, нэрт жүжигчин, орос романсын дуучин Полина Агуреева дуулах болсон гэнэ.
Сонирхуулахад, Полина Агурееваг Монголын үзэгчид түүний 2007 онд бүтээсэн “Ликвидация” буюу “Устгах ажиллагаа” (МҮОНТ гарсан) олон ангит уран сайхны киноны дуучин Тоня Царько, 2009 онд бүтээсэн “Исаев” киноны Москвагийн дээрэмчин бүсгүй Анна Викторовна, 2022 онд МҮОНТ-ээр гарсан “Өөдрөг залуус” телевизийн цуврал ОАУСК-ны Вера зэрэг бүтээсэн дүрүүдээр нь андахгуй биз ээ.
https://youtu.be/iwQM40VYUCo()
Discussion about this post