Хөгжлийн банкны нээлттэй сонсгол болсноос хойш Монголыг хөгжүүлэгч манлайлагч гэх хэдэн бизнесмэн, том компаний тухай үнэхээр хөгийн юм сонсогдож байна. Хөдөлмөрийн баатар Ц.Баатарсайханы хамаарал бүхий компанийн тухай яригдлаа.
Хөгжлийн Банкны зээл олголт, эргэн төлөлтийн явцыг шалгах сонсголын үеэр “Говь” ХК-тай холбоотой зээлийг танилцуулав.
“Ноолуур” хөтөлбөрийн хүрээнд “Говь” ХК нийт таван удаа болон хамаарал бүхий компани болох “Дулаан гэр” ХХК-тай нийлэн 31.2 тэрбум төгрөгийн санхүүжилт авсан байна.
Энэ талаар “Мөн тус компани “Ноолуур” хөтөлбөрийн хүрээнд Хөгжлийн Банкнаас шууд зээлээр 161.3 тэрбум төгрөгийн санхүүжилт авсан.
“Говь” ХК-ийн эцсийн өмчлөгч, гүйцэтгэх захирлаар Ц.Баатарсайхан ажилладаг. Түүнийг өнөөдөр гэрчээр дуудсан. Нийт дамжуулан олгосон ноолуурын санхүүжилтээр Худалдаа Хөгжлийн Банкнаас 12.5 тэрбум, Голомт банкнаас авсан таван тэрбум төгрөгөөр “Таванбогд трейд” ХХК, “Таванбогд фүүдс пицца” ХХК-ийн зээлийн өр төлбөрийг төлсөн байна. Мөн тус компани 2015 онд “Ноолуур” хөтөлбөрийн хүрээнд найман тэрбум төгрөгийн санхүүжилт аваад хадгаламжийн дансандаа байршуулж байсан. Энэ нь Голомт болон Хөгжлийн Банк хооронд байгуулсан гэрээг зөрчиж байна. Тоног төхөөрөмж худалдан авах зориулалттай санхүүжилтийг ийнхүү хадгаламжийн дансандаа байршуулж байсан” хэмээн шинжээч дүгнэлтээ танилцуулав. Даанч дээ, Японд сурч төгссөн дөө. Тэр япон хүний үнэнч шударга, хариуцлагатай зарчимч чанар хаачив?
Нэгэн экс гишүүн ярьж байна. Өөрөөсөө бусдыг гуйлгачин, ядуу дорой, ажилгүй анхиагүй архичнаар дуудан доромжилдог хүн л дээ.
–Та УИХ-ын гишүүн байхдаа 14 тэрбум төгрөгийг хүүгүй зээл аваад есөн жил болоход нэг ч төгрөг төлөөгүй байна аа. Зээлээ хэзээ төлөх вэ? гэхээр,
-Та нар 10 хүнд цалин тавьж үзээгүй хүмүүс шүү дээ… гээд ширэн нүүрлэснээ “Би энэ зээлийг төлмөөргүй байна. Та нар намайг ажил хийх боломжийг олгоогүй ш дээ. Би 100 хувь алдагдалтай бизнес хийж байна…” гэж ялархах юм.
Уучлаарай, та бүхэн төрийн дарамт гэж ярьдаг. Төр та нарыг дарамталддаггүй, харин эрхлүүлж толгой дээрээ гаргачихсан юм байна.
Тэрчлэн “Фортуна” Батбаяр ЭЗХ-ийн сайдаар ажиллаж байхдаа Хөгжлийн банкнаас 4.8 тэрбум төгрөгийн зээлийг эхнэр хүүхдийнхээ компанид олгосон байна. Зээл авснаас хойш 2 сарын хугацаанд тухайн мөнгөө хадгаламжиндаа байршуулан хүүг нь хувийн дансууд руугаа авчээ. Фортунагийн охин Б.Жаргалан УИХ-д нэр дэвшихээр мөрөөдөж, АН-ын шилдэг хүүхнүүдийн нэг гэгдээд байгаа. “Где” шударга ёс, ёс зүй..
УИХ-ын гишүүн Б.Энхбаяр: УИХ-ын гишүүн О.Цогтгэрэлын хамаарал бүхий Милко ХХК 750 сая, Тесо ХХК 7 тэрбум төгрөгийн зээлийг Хөгжлийн банкнаас авсан. Тухайн үед О.Цогтгэрэл гишүүн өөрөө Ажлын хэсгийн дэд дарга байсан гэв. Саяхан АН-ын дарга болохоор “орондоо ч орох завгүй” явсан хүн. Яаж чадаж байна аа… АН, МАН-гүй зайлцгаа гэмээр.
Ийм ичих булчирхайгүй, төр улсын мөнгийг тоохоо байчихсан улсад тэрбум тэрбумаар өгсөнд орвол дугаар хорооны иргэддээ 500 сая төгрөг тараагаад өгчихсөн тэд Эрээнээс болтугай нэг жижиг хийц авчраад таавчиг углаашаа оёод, дотуур хувцас ч хамгийн сайнаар хийгээд өр зээлээ төлөөд, өөрсдийгөө ч болгоод явж байгаа.
Та нар шилдэг бизнесэмэнүүд биш, шившгийн хөндийнхөн юм байна.
()
Discussion about this post