Дарханд гэртээ тогонд цохиулж эндсэн гурван охины ээж хөөрхөн хүүтэй болжээ

Дарханд гэртээ тогонд цохиулж эндсэн гурван охины ээж хөөрхөн хүүтэй болжээ.

Хүссэн, хүлээсэн хөөрхөн ханхүүгээ өлгийдөн авлаа. Үргэлж урмын үгээр тэтгэж байсан хөөрхөн ээжүүддээ баярлалаа. Ахиад ийм хөөрхөн үртэй болж сэтгэлээ дэвтээх шиг сайхан зүйл энэ хорвоо дээр алга. Ахиж ээж нь хажуунаас нь холдохгүй ээ, чи минь олон хүмүүсийн хайранд ивээгдэж иргэж ирсэн шүү үр минь. Гурван охины минь нэгэн ч гэсэн эргэж ирсэнд маш их баярлаж догдолж өдөр болгон хайранд умбах шиг сайхан байнаа. Та бүхэндээ эрүүл энх аз жаргалыг хүсье. Энэ хугацаанд маш их тэвчсэн тэвчээрийг минь бурхан шагнасан болов уу, эсвэл үрсүүд минь ээждээ иргэж ирэхийг бодсон юм болов уу…гэжээ.

Эргэн дурсахад, Дархан-Уул аймгийн Дархан сумын 15 дугаар баг, Их сургуулийн 4 дүгээр гудамжинд бага насны гурван охин  тогонд цохиулж нас барсан харамсалтай хэрэг өнгөрсөн 2 дугаар сарын 06-ны өдөр гарсан билээ. Охидын аав Өмнөговь аймагт ажиллаад эзгүй, харин ээжийг нь хичээл амарсан ч цэцэрлэгийн эрхлэгч нь ой тэмдэглэх баярын концерт бэлтгэхээр дуудсан хойгуур охид амиа алдсан юм. ҮҮнд гашуудаж харамссан иргэд аав ээжид нь туслах зорилгоор хандив өгсөн.  Тэгвэл, охидын аав, ээж болох Г.Чинбат, н.Алтанзул нар хандивын мөнгөөр Улаанбаатар хот ГССҮТ-ийн Түлэнхийн төв, Сэлэнгэ, Орхон, Дархан-Уул аймгийн нэгдсэн эмнэлгийн хүүхдийн тасгуудад хүчилтөрөгч өтгөрүүлэгч аппарат, отсос буюу цэр соруулах аппарат, утлагын аппарат гурван ширхэгийг тус бүр бэлэглэсэн билээ.