Ардын нам гэсэн нэртэй ч ачир дээрээ феодалын нам болсныг НАМЭХ-ны тэргүүний сонгууль харуулж байна. Хамгийн олон гишүүнтэй МАН-д эмэгтэй гишүүд олон, намдаа үнэнчээр зүтгэсэн, төрийн, улс төрийн албанд ч болд шиг хатаагдсан эмэгтэйчүүд олон бий. Харин НАМЭХ-ны тэргүүний сонгуульд эдний толгой дээр, “гишгэлсэн” 1980-аад оныхны төлөөлөл өнгөлж байна.
УИХ-ын гишүүн Х.Булгантуяа, Ч.Ундрам, Соёлын сайд Ч.Номин, Монголын мисс Ё.Нямжав нарын нэр дуулдаж байна. Ч.Номин, Ч.Ундрам тэрбумтны охид. Харин мисс Е.Нямжав оюутан байхаасаа Ардын намын ахтай холбоотой байж, 100 доллар гаргадаг байсан тухай ангийнх нь охид ярилцлага өгч байсан удаатай. Хоёр дахь охиноо эдүгээ УИХ-д суугаа эрхмийн охин гэдгээ ам алдсан. Тэр ч яах вэ, залуугийн явдал. Одоо 40 хүрч, ойрхон хоёр хүүхэд төрүүлсэн. Гэсэн ч 20 наснаасаа МАН-д зүтгэсэн хүсэл нь хорьж болохгүй дийлж, НАМЭХ-ны тэргүүнд нэр нь явж байна.
Х.Булгантуяа хэдийгээр өндөр боловсролтой гэх ч хийтэй үг, үйлдэл нь байнга араас нь чангаадаг. Тиймээс л боловсролоос илүү хүмүүжил чухал гээд байдаг бололтой…
НАМЭХ-ны тэргүүний төлөө тулаан хоёр тэрбумтны охины хооронд өрнөх төлөвтэй. Улс төрийн идэвхтэй нэг эрхэм “Сэлэнгэ аймгийнхан Ноён уулын хоёр талаас алт ухсан хоёр Чинбат бий гэж ярьдаг. Нэг нь Соёлын сайдын аав “Гацуурт”-ын Чинбат, нөгөө нь УИХ-ын гишүүн Ч.Ундрамын аав ”Өсөх зоос”-ын Чинбат” гэж жиргэсэн удаатай.
Баян хүн таван хаанд нүүртэй гэгчээр ард нь аавууд нь асаалттай танк шиг бий л байх. Энэ хоёр эмэгтэй МАН-д намд цоо шинэ хүүхнүүд. 2010 оноос хойш намын байраар явсан байх. Ч.Ундрамын хувьд бүр хожуу. Ээж нь АН-ын дарга С.Эрдэнийн итгэлт ойрын хүн. Ч.Ундрам ч МАН “гудамжинд байх 2012-2016 онд Ардчилсан намаар гүйдэлтэй байсан. Харин өөрөө үүнийгээ эрс үгүйсгэдэг.
Ч.Номингийн тухайд төрийн хүн, олон нийтийн байгууллага гэхээсээ зочид буудал, шоу нэвтрүүлгийн маш сайн менежер юм билээ. 
()
Discussion about this post