Гурван давхраас хүүхэд унах гэж байсныг цонх угаадаг залуу аварчээ

Баянзүрх дүүргийн 26 дугаар хорооны нутаг дэвсгэрт орон сууцны гурван давхраас унах гэж байсан хүүхдийг цонх угааж байсан залуу аварчээ.

Тус хорооны Тайм Тауэр хотхон дахь 16 давхар орон сууцны гурван давхрын айлын цонхны гадна талын хүрээн дээр 5-6 орчим насны хүүхэд зогсож байсныг оршин суугчид олж харжээ. Улмаар Онцгой байдлын газар руу холбогдож тусламж хүссэн байна. Аврагчид ирэхээс өмнө тухайн үед байрны цонх угаадаг залуу таарч, бяцхан хүүхдийг аварсан байна.