Мисс Б.Бадамцэцэг Хөдөлмөрийн хүндэт медалиар шагнуулж, хөдөлмөр бүтээлээ төрдөө үнэлүүллээ.
Б.Бадамцэцэг анх “Хэцүү анги” киноны Гэрлээгийн дүрээр үзэгчдийн танил болсон. Дараа нь “Ану хатан” кинонд Галдангийн бага хатан Агайгийн дүрээр үзэгчидтэй хагас нүцгэн уулзсан бүсгүй. Хагас нүцгэн фото хэд хэдэн удаа авахуулсан эмэгтэй.
Суралцахынхаа хажуугаар кинонд тоглож, загварын тайзнаа ч алхаад амжсан Б.Бадамцэцэг хичээл хийхээсээ илүүтэй одын амьдралдаа илүү их санаа тавьснаас болж “Ач” дээд сургуулиас хөөгдөж байсан гэдэг. Гэвч эмч мэргэжилтэй ээжийнхээ хүслийг биелүүлэх гэсэн хичээл зүтгэлээр ЭМШУИС-д шилжин суралцсан орсон гэх юм билээ.
Тэрээр одоо шүдний эмч. Инээх нь эвгүй, хамгийн шүд муутай гэж шүүмжлүүлдэг байсан бүсгүй одоо шүдний эмч. Мэргэжлээ ашиглаж өөрийнхөө шүдийг “гого” болгосон. Тэр бүү хэл төрсөн өдрөөрөө хүүхдүүдийн шүд үнэгүй эмчилнэ гэсэн зарыг сүртэй түгээж, “Шүдний дагина” гэж алдарших болсон.
Хайранд уруу татагдсан нь…
“Мiss & Mister-2005” тэмцээний ялагч болж, Тайландад зохиогдсон олон улсын тэмцээнд эх орноо төлөөлөн оролцож “Авьяаслаг мистер” өргөмжлөл хүртэж байсан Б.Энхбаяр мисс бүсгүйчүүдтэй болздог байсан залуу. “Ану хатан” кинонд хамт тоглосон Б.Бадамцэцэгтэй түр зуур үерхсэн. Тэрбээр мисс Б.Гэрэлчулуунтай үерхэж унаж явсан машинаа хүртэл бэлэглэж байсан бол Б.Бадамцэцэгтэй “Ану хатан” кинонд тоглож байхдаа танилцсан гэдэг. Тэр үед Б.Бадамцэцэг түүнд хайраа илчилж, хамтдаа авахуулсан зургаа цахим хуудаснаа байрлуулж, “Би чамд хайртай” хэмээн бичиж байсан гэнэн хонгор сэтгэлдээ хөглөгдөн, хөтлүүлсэн дурсамж түүнд бий. Мөн Алтны магнаттай холбогдон нэг хэсэг хэвлэлийн баатар болсон нь 2011 он.
Харин удалгүй 2014 онд А.Алтаншагай МУИС-д эдийн засгийн чиглэлээр суралцдаг оюутантай гэрлэсэн билээ. “Монгол шилтгээн”-д нүнжигтэй хурим хийсэн хоёр 7 жилийн дараа хоёр хүүхэдтэй болсон хойноо салсан гэдэг.
Discussion about this post