Хөгжлийн банкны удирдлагууд өнөөдөр Төрийн ордонд мэдээлэл хийв. Хөгжлийн банкны эргэн төлөлт дээр тодорхой хэмжээний ахиц гарч, өчигдрийн байдлаар 50 тэрбум төгрөгийн эргэн төлөлт хийгдсэн талаар мэдээллийн эхэнд онцоллоо.
Тус банкнаас олгосон чанаргүй зээлийн ангилалд 1,8 их наяд төгрөг байгаа аж. Хөгжлийн банкнаас олгосон 1,2 их наяд төгрөгийн зээлийн асуудал шүүхийн процесс дээр явж байна.
Анхан шатны шүүхэд Хөгжлийн банкны нэхэмжлэлтэй 16 хэрэг хянан шийдвэрлэгдэх дэх процесс явагдаж байна. Хамгийн удаан нь “Монгол драй милк” компанитай холбоотой хэрэг 880 хоног хугацаа алдаж байгаа бол “Эрэл” компанитай холбоотой хэрэг 440 хоног шийдвэрлэж чадаагүй байна. Нэр дурдсан хоёр хэрэг Сүхбаатар дүүргийн анхан шатны шүүх н.Уранчимэг шүүх дээр гацсан байсан. Ийнхүү Хөгжлийн банкны гомдлоор тус шүүгчид Шүүхийн сахилгын хороо тус шүүгчид хариуцлага тооцсон гэх мэдээллийг өгөв.
Үүнээс гадна Хөгжлийн банкны Үйл ажиллагаа хариуцсан дэд захирал Ж.Эрхэмбаатар “зээл төлүүлэх ажиллагаанд нотлох баримтаа шүүхэд гаргаж өгөх баримтын бүрдүүлбэр дутуу байна. Иймээс нотлох баримт устгагдсан эсэх талаар шалгалт явуулахад 47 зээлийн материалын зээлийн бүрдүүлбэр дутуу, ажилчид баримт бичиг хүлээлцэхдээ устгагдсан зөрчил гарсан” гэлээ.
Discussion about this post