Хөгжлийн Банкны Төлөөлөн удирдах зөвлөлийн хараат бус гишүүн, Эрсдэлийн хорооны дарга Ү.Амарбат тус банканд байгаа 700 гаруй барьцаа хөрөнгөөс Төрийн Орон сууцны корпорацтай хамааралтай барьцаа хөрөнгө болон зээлийн талаар өөрийн фэйсбүүк хуудсаар дамжуулан мэдээлэл өглөө.
Тус банк дараах байдлаар 4 удаагийн зээл авсан.
| Зээлдэгчийн нэр |
Олгосон огноо
|
Валют | Олгосон дүн (тухайн валютаар) | Зээлийн үлдэгдэл (тухайн валютаар) | Нийт үлдэгдэл (тухайн валютаар) | Нийт үлдэгдэл (төгрөгөөр) |
| ТОСК | 5.28.2015 | MNT | 83,587,839,898 | 73,587,839,898 | 96,651,553,645 | 96,651,553,645 |
| ТОСК | 10.2.2013 | MNT | 84,700,000,000 | 69,105,793,577 | 74,887,806,099 | 74,887,806,099 |
| ТОСК | 5.28.2015 | USD | 50,000,000 | 29,134,792 | 41,601,529 | 118,543,557,769 |
| ТОСК | 2.5.2016 | MNT | 19,254,778,631 | 19,254,778,631 | 25,649,932,438 | 25,649,932,438 |
Үүнээс 118 тэрбум төгрөгийн зээлийн өрийн үлдэгдэл бүхий зээлийг ТОСК цааш “Нью яармаг хаусинг прожект” компанид дамжуулан зээлжээ. 2015 онд 50 мянган ам.долларын зээл батлагдсан бөгөөд 22 сая долларын зээлийг тус компанид ТОСК дамжуулан зээлжээ. Гэвч компани зээлээ төлөөгүй учраас “Нью Яармаг” хорооллыг Хөгжлийн банк 80 төгрөгийн барьцаанд байлгаж байсныг тухайн компани шүүхэд нэхэмжлэл гаргаж, 2019 оны зургаадугаар сарын 25-ны өдөр Дээд шүүх эцсийн шийдвэр гаргаж, барьцааг сулласан байна. Өөрөөр хэлбэл, Хөгжлийн Банкны ТОСК-д олгосон зээлээс 90 тэрбум төгрөг нь барьцаагүй байгааг Ү.Амарбат мэдээлээд “Нью яармаг хаусинг прожект” компани зэлээ төлөөгүй хэвээр, хотхоны байруудаа борлуулж байгаа гэдгийг хэллээ.
Тэрбээр “Хөгжлийн Банкны төсөлд олгосон 90 тэрбум төгрөг барьцаагүй байна. Барьцаа хөрөнгө борлуулалт хийгдээд зарагдаад явж байгаа. Үлдсэн барьцаа нь хорооллын доорх газар гэж байгаа.
Прокуророос 2019 оны есдүгээр сарын 4-нд ТОСК уг хотхоныг барьсан төслийнхөнтэй шүүхдэж байгаа. 100 орчим тэрбумыг нэхэмжилсэн. 61 тэрбумыг төсөл хэрэгжүүлэгч, 24 тэрбумыг ТОСК гаргах бол 18 тэрбумын хүү алдангийг шүүхээс хассан. Энэ асуудлыг Дээд шүүхээр хэлэлцэхээр хүлээгдэж байна” гэлээ.
ВИДЕО:
Discussion about this post