Нийт малчдын дундаас малч ухаан, арвин туршлага, хөдөлмөр зүтгэлээрээ онцгойрон тодорсон Увс аймгийн Давст сумын Торхилог багийн малчин Пүрэвийн Чимидцэдэнд “Улсын аварга малчин” цол шагналыг нь УИХ-ын гишүүн Ч.Хүрэлбаатар гардуулан өглөө.
Улсын аварга малчин П.Чимидцэдэн нь 39 настай. Сонирхолтой нь 1992 онд буюу 30 жилийн өмнө Чимэдцэдэнгийн аав Пүрэв нь мөн 39 насандаа энэхүү хүндтэй цолыг хүртэж байсан байна. Улсын аварга малчин П.Чимэдцэдэнгийн төрсөн дүү нь П.Бүрэнтөгс Монгол Улсын аварга бөх. Ийнхүү нэг гэр бүлээс 3 улсын аварга төрсөн ховор түүх тохиож байна. П.Чимидцэдэн, гэргий Уламбаярын Цэрэндолгор нар таван төрөлд 2026 мал сүрэгтэй, мянгат малчин.
Discussion about this post