Сар шинийн баярын өдрүүдэд цагдаагийн ахмад Н.Лхагвадорж түүний үнэнч анд, хамтран зүтгэгч Артём нохойн хамт замын хөдөлгөөнийг зохицуулан үүрэг гүйцэтгэжээ.
Нэг ой 5 сартай Артём нь ОХУ-ын шилдэг албаны ВЕО төрлийн нохойнуудын нэг бөгөөд өвөө нь алдартай дэмбор аварга ажээ.
Түүний өвөө нь МОСКВА-21 ПО ЗКС-ийн дэмбор аварга, мөн ОХУ-ын шилдэг аварга шалгаруулах -21 PO ZK МОСКВА ЦОМ-21 тэмцээний ПО ЗКС-ийн Дэмбор аварга юм байна.
Замын цагдаа нохойн хамтаар үүрэг гүйцэтгэж буй талаар Тээврийн цагдаагийн албанаас “Тухайн албан хаагч нохойгоо гөлөг байхаас нь эхлэн өсгөсөн, команд маш сайн мэддэг, сургуультай нохой. Нохой албаных биш ч эзэнтэйгээ хамт үүрэг гүйцэтгэсэн гэсэн үг. Харин алба хаагч маань нохойтойгоо иргэд, жолоочийг шалгасан зүйл байхгүй” гэлээ.
Зураг, бичлэгийн эх сурвалж: Баянзүрх дүүрэг дэх Цагдаагийн газар
Discussion about this post