Холливудын од Кеану Рийвс 1993 онд мөнх бусыг үзүүлсэн найз Ривер Финиксийнхээ талаар саяхан дурсан ярилцлага өгчээ. Тэрбээр “Би өмнө нь түүний талаар хэзээ ч ярьж байгаагүй. Учир нь тэр одоо ч амьд мэт санагддаг. Тиймээс түүний үхлийн талаар ярих нь утгагүй. Ривер маш уран бүтээлч сэтгэлгээтэй, авъяаслаг, эрч хүчтэй, зоригтой нэгэн байсан. Миний амьдралд орж ирсэн цөөн тооны нандин хүмүүсийн нэг тэр байлаа” хэмээн өгүүлжээ.
Кеану Рийвсийн цэл залуугаараа нас барсан найз Ривер Финикс нь Оскарын шагналт Хоакин Финиксийн төрсөн ах юм. Харамсалтай нь 1993 онд хар тамхины тунгаа хэтрүүлсний улмаас нас барсан юм.
Хоакин Финикс 2020 онд хүүтэй болж, шинэхэн мэндэлсэн үрдээ Ривер хэмээх нэр хайрлаж, эрт буцсан төрсөн ахдаа хүндлэл үзүүлж байсан билээ.
Discussion about this post