ИНЕГ-ын даргын туслах асан Э.Золбоо хахуулийн таван сая төгрөгөөс нэг саяыг “УНАГАСАН” гэх хэргээс…

ИНЕГ-ын даргын туслах асан Э.Золбоо хахуулийн таван сая төгрөгөөс нэг саяыг “УНАГАСАН” гэх хэргээс…

Манай төрийн албан хаагчид тендер, концесс, төсөл, худалдан авалт  төдийгүй бүр хахуулийн мөнгөнөөс хүртэл унагаадаг болсон. ИНЕГ-ын харьяа Иргэний нисэхийн үндэсний төв (ИНҮТ) ТӨХК-ийн Хүний нөөцийн удирдлагын газрын даргаар ажиллаж байсан Э.Мишээл нь  дуурийн дуучин мэргэжилтэй Д.Дорждэрэмийг холбогдох сургалтад сууж, гэрчилгээ аваагүй, шаардлага хангаагүй байхад нь нисэхийн аюулгүй байдлын үндэсний шалгагчийн алба тушаалд томилуулахаар Аюулгүй байдал, хамгаалалтын албаны дарга улсын начин Б.Сэр-Одтой утсаар ярьж дэмжлэг хүсэн улмаар томилуулжээ. Үүнийхээ хариуд ИНЕГ-ын даргын туслах, өргөдөл, гомдол хариуцсан мэргэжилтэн Б.Золбоогоор дамжуулан ХХБ-ны дансаараа дөрвөн сая төгрөгийн хахууль авсан гэнэ. Харин даргын сэргэлэн туслах нь дуурийн дуучнаас таван төгрөг авсан ч Хүний нөөцийн удирдлагын газрын дарга руу дөрвөн саяыг шилжүүлж өөртөө нэг саяыг “унагажээ”.  Үүнээс гадна Э.Мишээл нь сонгон шалгаруулалт явуулалгүйгээр Б.Санчирыг “Буянт-Ухаа” олон улсын нисэх буудлын Бизнес төлөвлөлтийн хэсгийн судалгааны мэргэжилтэн ажилд томилуулсан,дараа нь Аюулгүй байдал, чанарын удирдлагын газрын технологийн баримт бичиг бүртгэл хөтлөлт хариуцсан мэргэжилтний албан тушаалд сэлгүүлэн томилуулсан байна. Б.Санчир нь ийн мэдүүлжээ.

“… Би аав Батдэлгэртэй ярилцаж байхдаа иргэний нисэхийн салбарт ажиллах хүсэлтэйгээ хэлтэл аав  “манай найз болох Одхүүгийн дүү Мишээл нь Иргэний нисэхийн үндэсний төвийн Хүний нөөцийн удирдлагын даргаар ажилладаг юм байна. Аав нь хэлчихье, чи очоод уулзчих” гэсний дагуу очиж уулзсан. Уулзахад “анкетаа бөглөөд өгчих, чиний мэргэжилтэй тохирох ажил байгаа эсэхийг үзээд эргээд хэлье” гэж хэлсэн тул анкет бөглөөд нэг давхарт хүний нөөцийн хэлтсийн мэргэжилтэн Алтантуяад өгөөд явсан. Хэд хоногийн дараа Алтантуяа холбогдоод “судалгааны мэргэжилтэн гээд албан тушаал байна, чи ажиллах уу” гэдэг саналыг тавьж би зөвшөөрсөн. Би ажилд орохдоо анкет бөглөгснөөс ямар нэгэн сонгон шалгаруулалтанд ороогүй…”

Энэ хэрэг өдгөө шүүхээс прокурор руу буцсан байдалтай байдалтай байна.