“Нулимсны хатан хаан” жүжигчин Чой Жи Вү (Choi Ji-woo) 2000-аад оны эхээр Ази даяар шуугиан тарьж байсан домогт Winter Sonata (Өвлийн хайрын дууль), Stairway to Heaven (Диваажингийн шат) кинонуудын гол дүрийг бүтээсэн. Түүнийг санаж байна уу? Эмзэг турьхан төрх, дүрдээ ууссан үнэмшилтэй уйлдаг чадвар нь олон сая үзэгчдийн сэтгэлийг хөдөлгөж, түүнд “Нулимсны хатан хаан”, Японд “Живү Химэ” (Живү гүнж) хэмээх эрхэм алдрыг авчирсан билээ. Солонгосоос илүү Японд илүү алдартай. Ямартаа л Японы ерөнхий сайдаар 2001-2006 онд ажилласан Жюничиро Койзуми Чий Жи Вүг хүлээн авч уулзах вэ.
Тэрбээр олон жилийн турш карьертаа анхаарч, ганц бие явсаар 2018 онд 43 насандаа олон нийтэд огт зарлалгүй, зөвхөн гэр бүлийн хүрээнд маш нууцлаг хурим хийсэн. Түүний нөхөр нь түүнээс 9 насаар дүү, мэдээллийн технологийн (IT) салбарын бизнес эрхлэгч залуу байдаг.
Анх 45 насандаа ээж болсон. 2020 онд анхны охиноо төрүүлж, нас бол зүгээр л тоо гэдгийг харуулан олон эмэгтэйчүүдэд урам зориг өгсөн. Тэр хожуу жирэмсэлж буй ээжүүдэд хандан өөрийгөө “найдвар нь болохыг хүссэн үлгэр жишээ” хэмээн ярьж байв.
Үргэлж мөнхийн залуугаараа үзэсгэлэнтэй төрхтэй жүжигчин. 1975 онд төрсөн ч одоог хүртэл өөрийн дулаахан инээмсэглэл, дэгжин төрхөө хадгалсаар яваа тэрбээр сүүлийн жилүүдэд Crash Landing on You, Shooting Stars зэрэг цувралуудад камео дүрээр гэнэтийн бэлэг барьж үзэгчдээ баярлуулсан.
Түүний тоглосон Диваажингийн шат, Өвлийн хайрын дуу, Буцаад 20 насандаа, Урхидалт, Хачирхалтай гэрийн үйлчлэгч гээд солонгосчуудын төдийгүй азиуд үзэх дуртай олон кинонд тогложээ.
Discussion about this post